தமிழக மக்கள் கழகத்தின் 12 நல்வாழ்வுக் கொள்கைகள்
இலவசத்திற்கு மாறாக தன்னம்பிக்கை, வேலைவாய்ப்பு, கல்வி, சுகாதாரம், சுற்றுச்சூழல் பாதுகாப்பு ஆகியவற்றை அடிப்படையாகக் கொண்டு, தமிழக மக்களின் நிலையான வளர்ச்சிக்காக உழைக்கும் எங்கள் 12 முக்கிய நல்வாழ்வுக் கொள்கைகள்.
நிர்வாகத்தில் துல்லிய டிஜிட்டல் வெளிப்படைத்தன்மை
அரசு டெண்டர்கள், திட்ட நிதிகள், சேவை விண்ணப்பங்கள் அனைத்தும் ரியல்-டைம் பொது மக்கள் பார்வைக்குக் கொண்டு வரப்படும். லஞ்சத்தை ஒழிக்க இடைத்தரகர்கள் இல்லாத நவீன டிஜிட்டல் நிர்வாக முறை நடைமுறைப்படுத்தப்படும்.
கல்வி & திறனுக்கான 'எதிர்காலக் கற்றல்' கொள்கை
பாரம்பரிய கல்வியோடு செயற்கை நுண்ணறிவு (AI), தொழில்நுட்பப் பயிற்சி, தொழில் முனைவோர் கல்வி மற்றும் விளையாட்டு ஆகியவை பள்ளிப் பருவத்திலிருந்தே கட்டாயமாக்கப்படும். அரசுப் பள்ளிகளின் கட்டமைப்பு உலகத் தரத்திற்கு உயர்த்தப்படும்.
உலகளாவிய வேலைவாய்ப்பு மண்டலங்கள்
சென்னை, கோவை போன்ற பெருநகரங்களை மட்டும் சார்ந்திராமல், தென் தமிழகம் மற்றும் வட தமிழகத்தின் ஒவ்வொரு மாவட்டத்திலும் அந்தந்தப் பகுதியின் வளத்திற்கு ஏற்ப சர்வதேச தொழில்பூங்காக்களும் வேலைவாய்ப்பு மையங்களும் உருவாக்கப்படும்.
நவீன விவசாயம் & நீர் மேலாண்மை
விவசாயிகளுக்குச் சொட்டுநீர்ப் பாசனம், இயற்றை உரம் மற்றும் பயிர் பாதுகாப்பு தொழில்நுட்பங்கள் முற்றிலும் மானிய விலையில் வழங்கப்படும். ஆறுகள் மற்றும் நீர்நிலைகள் நவீன தொழில்நுட்பத்துடன் தூர்வாரப்பட்டு, ஸ்மார்ட் தடுப்பணைகள் மூலம் நீர் தட்டுப்பாடு முற்றிலுமாகப் போக்கப்படும்.
சமத்துவச் சமூக நலன் & பாதுகாப்பு
சாதி, மத, பாலின வேறுபாடின்றி பிற்படுத்தப்பட்ட, மிகவும் பிற்படுத்தப்பட்ட, பட்டியலின (ஆதிதிராவிடர், அருந்ததியர் உள்ளிட்ட) மற்றும் பழங்குடியின மக்கள் அனைவருக்கும் உரிய பொருளாதார மற்றும் சமூக நீதி உறுதி செய்யப்படும்.
மகளிருக்கு முழுமையான பொருளாதார சுதந்திரம்
பெண்கள் சுயமாகத் தொழில் தொடங்க வட்டியில்லாக் கடன்கள், அனைத்து மாவட்டங்களிலும் மகளிர் தொழில்முனைவோர் மையங்கள் மற்றும் பணிபுரியும் பெண்களுக்குப் பாதுகாப்பான நவீன விடுதிகள் அமைத்துக் கொடுக்கப்படும்.
இளைஞர்களுக்கான ஸ்டார்ட்-அப் & விளையாட்டுப் புரட்சி
இளம் தலைமுறையினரின் கண்டுபிடிப்புகளுக்கும் தொழில் தொடங்கும் கனவுகளுக்கும் அரசு தொடக்க நிதியை (Seed Fund) வழங்கும். சர்வதேச அளவில் பதக்கங்களை வெல்லும் வகையில் கிராமப்புற இளைஞர்களுக்கு நவீன விளையாட்டு அகாடமிகள் நிறுவப்படும்.
அனைவருக்கும் முழுமையான இலவசச் சுகாதார உத்தரவாதம்
ஒவ்வொரு பஞ்சாயத்திலும் நவீன வசதிகள் கொண்ட '24/7 அடிப்படை சுகாதார மையங்கள்' உருவாக்கப்படும். மூத்த குடிமக்கள் மற்றும் ஏழை எளிய மக்களுக்கு உயர்தர சிகிச்சை மற்றும் மருத்துவப் பரிசோதனைகள் முற்றிலும் இலவசமாக வீடுகளுக்கே சென்று வழங்கப்படும்.
நெகிழி அற்ற பசுமைத் தமிழகம் & சுற்றுச்சூழல் பாதுகாப்பு
சுத்தமான குடிநீர், கழிவுநீர் மறுசுழற்சி மற்றும் சூரிய ஒளி சக்தி (Solar Energy) மூலம் இயங்கும் மின் கட்டமைப்பு விரிவுபடுத்தப்படும். காடுகளின் பரப்பளவு அதிகரிக்கப்பட்டு, மாசு இல்லாத சுத்தமான வாழ்வு உருவாகப்படும்.
சிறு, குறுதொழில்கள் (MSME) & மறுமலர்ச்சி திட்டம்
உள்ளூர் உற்பத்தியாளர்களுக்கும் வியாபாரிகளுக்கும் குறைந்த வட்டியில் கடன், வரிச் சலுகைகள் மற்றும் சர்வதேச அளவில் தங்கள் பொருட்களை விற்பனை செய்யவதற்கான இ-காமர்ஸ் (E-commerce) தளங்கள் அமைத்துத் தரப்படும்.
மூத்த குடிமக்கள் நலன்
அனைத்துத் துறைகளிலும் பணிபுரியும் தொழிலாளர்களுக்கு குறைந்தபட்ச ஊதியம் மற்றும் காப்பீடு உறுதி செய்யப்படும். மூத்த குடிமக்களின் மருத்துவச் செலவு மற்றும் பாதுகாப்பிற்குத் தனி மையம் அமைக்கப்படும்.
தமிழ் மொழி & உலகளாவிய பண்பாட்டு மையம்
தமிழ் மொழியின் தொன்மையையும் தமிழ்நாட்டின் கலை, பண்பாட்டை, வரலாற்றையும் உலகளாவிய அளவில் கொண்டு சேர்க்க நவீன தொல்லியல் அருங்காட்சியகங்களும் சர்வதேச தமிழ் ஆராய்ச்சி மையங்களும் விரிவுபடுத்தப்படும்.
கட்சியின் கொள்கை வடிவம் — சிந்தனைப்போரின் 6 அடிப்படைகள்
திறன் முனைவு அணுகுமுறை
பட்டத்தை விட தொழில்முனைவுத் திறனே முதன்மை. வெளியேறும் ஒவ்வொரு மாணவரும் ஒரு திறனுடன் மட்டுமே வெளியேற வேண்டும்.
சாதி அற்ற சமத்துவ வாழ்வியல்
சாதி என்பது பிறப்பால் வருவது அல்ல என்ற உணர்வை உருவாக்கி, பழைய ஒடுக்குமுறை அடையாளங்களை முழுமையாகக் கடந்து, மனிதநேயத்தையும் சமத்துவத்தையும் மட்டுமே முதன்மைப் பண்பாடாக மாற்றுவது.
அறிவியல் சார்ந்த பகுத்தறிவு
மனிதனை அடிமைப்படுத்தும் சடங்குகள், மூடநம்பிக்கைகள் மற்றும் போலி ஆதிக்கங்களைத் தகர்த்து, மக்களிடம் அறிவியல் பூர்வமான சிந்தனையையும் சுயமரியாதையையும் வளர்த்தல்.
பூரண பெண் விடுதலை
பெண்கள் யாரையும் சார்ந்திருக்காமல், பிறப்பு முதல் வாழ்நாள் இறுதி வரை சுயமாக உழைத்து பொருளாதார சுதந்திரம் பெறுவதுடன், அனைத்துத் துறைகளிலும் 50% சம பங்களிப்பை உறுதி செய்வது.
மக்கள் பணி
ஏழை, எளிய மற்றும் பாதிக்கப்பட்ட மக்களுக்குத் தேவையான உதவிகளைச் செய்தல்.
மகேசன் பணி
கடவுளுக்குச் செய்யும் தொண்டு அல்லது ஆன்மீகக் கடமை.